स्वास्थ्य परीक्षण नगराई पोखराबाट बागलुङ बजार ल्याउँदै गरिएका ३२ ओटा बोका प्रहरीले नियन्त्रणमा लिएर आवश्यक कार्बाहीका लागि पशु सेवा कार्यालयलाई बुझाएको छ ।
बागलुङको कालिका फ्रेस हाउस, इन्ताज मासु पसल र केवी मासु पसलले संयुक्त रुपमा बागलुङ बजार ल्याउँदै गरेका ३२ ओटा बोकालाई प्रहरीले पशु सेवा कार्यालयमा बुझाएको प्रहरीले बताएको छ ।
यता जिल्ला पशु सेवा कार्यालय बागलुङले प्रहरीले आवश्यक कार्बाहीका लागि आफ्नो कार्यालयमा पठाएका ३२ ओटा बोकाको स्वास्थ्य परीक्षण पछि व्यवसायीहरुको जिम्मा लगाएको छ । पशु सेवा कार्यालयले स्वास्थ्य परीक्षण पश्चात प्रति खसी बोकाको रु २ सयका दरले जरिवाना तिराएर छोडेको पशु सेवा कार्यालयका डा. प्रदीप पौडेलले जानकारी दिए ।
मासु व्यवसायीहरुलाई सचेत बनाउन पहिलो पटकलाई प्रति खसी बोका २ सयका दरले ६ हजार ४ सय रुपैयाँ जरिवाना तिराई अब यस्तो गल्ती नदोहो¥याउने कायलनामा गराई छोडिएको पौडेलले जानकारी दिए ।
1 comment:
yo bidvertiser bhanda ta chitika ramro hola sir
Post a Comment